هذي قصة راعي ديك منسم
المهم اقولكم القصة:
فية ولد طفران( ماعندة ولا ريال) راح لابوة وقاله :عطني 15 ريال,,ودي اشتري كورة
الاب: اقول انقلع عني تراها واصلة معي
الولد: تكفا يبة ,, بس 15 ريال ولا اقولك خلها عشرة ريال
الاب: ماعندي فلوس...اذا تبي فلوس رح بع الديك حقك المريض اللى بالحوش...
الولد: بس هذا مريض ومحد بيشترية
الاب: ماعلي منك ,,, دبر نفسك
واللة الولد استسلم للامر الواقع واخذ الديك
اول واحد قابلة في وجهة اكيد ابوة ... قالة الولد : تشتري الديك ؟
الاب: اقول بتنقلع عني ولا اقوم اتوطا في بطنك
الولد: خلاص خلاص لاتنفخ طلع الولد من البيت ومعة الديك في محاولة يائسة ان الديك ينباع
عرض الديك على اهل الحارة كلهم ولا واحد فيهم
قبل انة يشتري الديك قال الولد: ممممممممم, واللة مالي الا فلانة,, عقلها خفيف واكيد بقدر العب عليها بسهولة ( فلانة هذي كانت وحدة متزوجة )
بس للاسف كانت رايحة فيها وتلعب بذيلها من ورا زوجها
راح الولد عشان يبيع عليها الديك
الولد: تشترين الديك تكفين ؟
هلا واللة بحبيبي ...
الولد: اقول مانيب فاضي لك .. خذي الديك مني وخليني اروح
تروح وين ياعمري !! انا ماصدقت اني اشفت رجال عندي بالبيت....
الولد: ومنهو اللى قالك ان انا رجال ؟ خذي الديك مني وخلينا انقلع شوي الا الباب يدق خافت الحرمة وقالت للولد تعال اندس هنا في الدولاب لايطلع زوجي ثم نروح فيها.
حطت الولد في الدولاب وراحت فتحت الباب الا وطلعلها صديقها اللى تخون زوجها معة
الحرمة: هلا واللة بعمري وحياتي
الرجال: ياهلا فيك ياعمري ماامدا الرجال يكمل كلمتة الا والباب يطق
الحرمة: ياويلى ,, هذا شكلة زوجي,,, تعال وادخل في الولاب
دخل خوينا في الدولاب وفجاه في عز الظلام سمع صوت يكلمة داخل الدولاب ويقولة : تشتري الديك؟
الرجال : اصصصصص,,,, رخ صوتك اللة يرحم والديك لاتفضحنا
الولد: اقول تشتري الديك؟
الرجال:ياخوي خلاص بشتري الديك بس قصر على حسك تكفا ,,,
الولد : طيب
الرجال: بس بكم تبيعه؟
الولد: ب 100 ريال
الرجال: ايش!!!!!!!!!!!!!هالديك المنتوف ب100 ريال!!!!!!!!!!
الولد: تبي تشتري ولا ارفع صوتي؟
الرجال : لالا خلاص ,, ابشتري وامري للة جلسو 5 دقايق
الولد: تبيع الديك؟
الرجال: توك بايعة على يابن الحلال!!
الولد: تبيعة علي ولا ارفع صوتي؟
الرجال: لالا خلاص,, ابيعه وامري للة ,, بكم تشترية؟
الولد: بريال
الرجال : ايش !! بريال !!!!!! انا مشترية منك ب 100 وانت تشترية مني بريال !!!!!!!!!!!
الولد : تبيعة علي ولا ارفع صوتي؟
الرجال: لالا خلاص,, ابيعه وامرى للة جلسو 5 دقايق
الولد: تشتري الديك ؟
الرجال: ياخوي توني مشترية منك !
الولد: تبي تشترية و لا ارفع صوتي ؟
الرجال: لالا خلاص ,, ابشتري وامري للة ,, بكم تبيعه؟
الولد :بـ 200ريال
الرجال: الله يمحط بك إن شاء الله توني مشتريه منك بـ 100ريال!
الولد : تبي تشتري ولا أرفع صوتي ؟
الرجال: لالا خلاص ,, أبشتري أمري لله جلسوا 5 دقايق
الولد: تبيع الديك ؟- الرجال : إن لله وإنإليه راجعون ,,,,, كم تشتريه
الولد : بريال
الرجال : وش تبيني أقول !! تبيني أبكي ولا أشقق هدومي,,, يالله خذ الديك وببلاش بعد أخذ الولد الديك
شوي إلا الحرمه فاتحه عليهم الدولاب وقالتلهم : يالله بسرعه إن حاشوا دام إن زوجي في الحمام ,, بس واحد ورا الثاني وبشويش عشان لايحس فيكم زوجي
طلع الرجال ونحاش ولحقه الولد بعده بـ 5 دقايق المهم ,,, قام الولد يتمشى في الشارع وهو مستانس إن صار معه فلوس ..بعدين راح للبيت يوم دخل البيت شاف أبوه قدامه .. راح قال لابوه :
تشتري الديك ؟
الاب ناظر فيه والشرار طالع من عيونه وقاله : ما يكفيك يا ابن ؟؟
الـ 300
ريال الي لطشتها مني في الدولاب ؟؟؟
