اسئله تقهر وودك تكفخ الي يقولها لك ...........
ما أطول عليكم ............
تفضلوا............
أنت بغرفتك منسدح بالسرير ومطفي النور والمكيف يردح ومتلفلف اي متغطي بالبطانيه >>> أحيه يالبرد . .
يجي أحد أخوانك ويفتح الباب عليك ويقول :- بتنام ! !
(( لا أبرقص وش رايك يعني أكيد أبنام )) >> ياكثر ماتحصل
أنتم معزومين عند ناس ورحتوا لبيتهم وأول ما فتحوا الباب لكم , قال ولدهم :- " جيتــوا العزيمـه "
(( لا رحنـــا ,, أكيد جينا وأنت وش تشوف ))
والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,
يجي أحد من أهلك وينادي بصوت عالي >>> بتطلع ! !
(( لأأبدخل ,, أيه أبطلع )
أو مثلا راكب السياره وشغلت الموتر شوي وتدوس على البنزين يطلع لك واحد ويطق على الشباك ,
أنت بكل ذوق تفتح الالشباك وتقوله :- آمر يالحبيب ؟
يقولك :-بتمشي با السياره ! ! !
(( لا أبفحط وأسوي خمسات . . . . أكيد أنا ماشي ))
هههههههههههههههههههههههه
او مثلا أنتي بالكليه وقمتي من الطاولة عقب ألف سالفه وسالفه يتخللها
والضحك
والغشمرة ورحتي عند الباب تلبسين عبايتك . . .
تجي وحده ملقوفه من البنات وتقولك : - فلانه بتروحين البيت ! ! !
(( لا أبطلع برا أشم هواء , , أكيد أبروح لـبـيـتـنـا من زين الكليه جالسه في استاربوكس وانا مدري ))>> الله الله
مثلا ماسكه سماعه التلفون وقاعد تضغط بالأرقام يجي أحد من أهلك ويقولك :-تكلمين بتلفوون ! ! !
((لا بصور معه كم صوور تذكاريه , , أكيد أبكلم ))خخخخخخخخخخ
مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !
(( لا أفرش اسناني , , , أيه أذاكر ))
أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !
(( لا أتروش . . . اللي يسمعك ما تشوف أيه قاعد أسبح ))
ولا تعالــو شوفو قنواتنا وأسئلتهم البديهيه البايخه . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت بتحب هذه الأغنيّة ! ! !
(( لا ما أحبها بس طالبها أستهبل , , إيه أحبها ليش أجل متصل )
أو مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( أكيد يبي يقولهم هالعباره , أجل وش تبونه يقول بهالمناسبه ))
والأسخف من هالبديهيات اللي تضيع وقتنا إذا قابلو مع ياهل , , ,
يقول المذيع للبزر :- أنت تحب ماما وبابا ! ! !
(( أيه يحبهم أجل تبي يقول لا ))
المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(( لا أبروح أكفخهم وأسوي هوشه , , , أكيد أبعايدهم ))
واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو
تسووي في المطار
(( والله جاي اشوف مباراه الهلال والنصر... اكيد اني بسافر ))
